اقص الراس قدامك ولا اخضع لاشكالكـ ,,

جبرك الوقت ترجعلي جبرك وجيتنـي ندمـان
دمرك الشوق يا خاين وجيت تسابـق ظلالـك

عرفت الحب بغيابي وعرفت انك معـي غلطـان
تاكد ما يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
اقص الراس قدامـك ولا اخضـع لأشكالـك

لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك

إذا غيري يبي قربك وصرت فبحـره الغرقـان
نصيحه لا يموت الحب ومـن قلبـي هنيّالـك

تشب النار في قلبي وتنسى انـي معـك انسـان
تخالط بالشقى هيلك وصـب الهـم فنجالـك

بعد ما انقلبت الدنيـا تجينـي محتـرق ولهـان
وتقول ارجوك سامحني ووعد منـي ابوفالـك!!

أبي تبكي على شاني وابي تصرخ مـن الحرمـان
ولو اني بآخر الدنيا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمني وش اللي غيـر احوالـك؟

تدل الدرب من دوني وقدمك سكـة الأحـزان
توكل لا تنادينـي ويعينـك الله علـى حالـك

وانا يكفيني ذليتك وحديتـك علـى الهجـران
تقول الموت من بعدك واقول هنااااك اشوالـك

غسلت ايديني من حبك وبرحل واهجرك يافلان
فمان الله وباقيلـك نصيحـه خلهـا فبالـك

ترى من يضحك الاول مصيره فاللعب خسـران
وانا من يضحك الثاني عشـان احطـم آمالـك

م . ن

ِِِاختي عسل

يسلموووووووو علي الطرح الرائع

والله في غاية الروعة والجمال

ننتظر الابداع الجديد

تقبلي مروري

ااااامير